dastak

Terms of Service

Aakhri update: 29 Oct 2026 · Dastak by arqo · dastak@getrabta.com

Dastak par account bana kar aap in shara'it se agree karte hain. Saada lafzon mein likhi hain taake koi confusion na ho.

1. Service kya hai

Dastak public business listings scan karta hai, unhein score deta hai, aur aap ke liye pitch message tayyar karta hai. Dastak contact dhoondne mein madad karta hai — deal, reply ya revenue ki koi guarantee nahi.

2. Aap ka account

  • Ek shakhs / ek business = ek account. Sahi email aur details dein.
  • Password aap ki zimmedari hai. Share na karein. Bhool jayein to "Password bhool gaye?" se reset karein.
  • 18 saal se kam umar ke liye nahi.

3. Plans aur limits

  • Free plan: Rs 0, hamesha. Roz 30 radar scans, Hot/Warm/Cool score, pitch, prospects, inbox, follow-up reminders.
  • Starter / Pro: jab launch hon ge to qeemat aur features pricing page par honge; payment JazzCash / Easypaisa / bank transfer se. Paid plan mahine ke hisaab se, kabhi bhi band kar sakte hain; chalte mahine ka refund nahi.
  • Limits fair-use ke liye hain. Hum limits badal sakte hain; badli to pehle batayenge.

4. Sahi istemaal — ye zaroori hai

  • Message aap apne WhatsApp / SMS / email se bhejte hain. Us ka content, tone, aur qanoon ki pabandi (PTA rules, WhatsApp ki Business/Terms policies, spam laws) aap ki zimmedari hai.
  • Bulk spam, dhoka, harassment, ya jhooti offers ke liye Dastak use nahi kar sakte. Koi "STOP" kahe to use dobara message na karein.
  • Prospects ka data sirf apne business ke liye use karein. Lists bech nahi sakte, scrape ya re-publish nahi kar sakte.
  • Tool ko todne, automated abuse, ya dusron ke accounts tak pohanchne ki koshish nahi.

Khilaf-warzi par hum account warn, limit ya band kar sakte hain. WhatsApp ya kisi aur platform par aap ka number ban hone ki zimmedari Dastak par nahi.

5. Data aur third parties

Business data Google Places API aur OpenStreetMap se aata hai aur un ki apni terms par hai. Data mein ghalti ho sakti hai (purana number, band dukaan) — pitch se pehle khud check karein. Privacy ki tafseel Privacy Policy mein hai.

6. "As is"

Dastak jaisa hai waisa milta hai. Hum behtar banane ki poori koshish karte hain, lekin uptime, results, ya kisi nuqsan (lost deals, ban, data loss) ki zamanat nahi dete. Hamari zyada se zyada zimmedari aap ke pichle 1 mahine ki fees tak hai (free plan = Rs 0).

7. Account band karna

Aap kabhi bhi email kar ke account delete karwa sakte hain. Hum 7 din mein data delete kar dete hain. Hum bhi abuse ya qanooni wajah se account band kar sakte hain.

8. Tabdeeli aur rabta

Terms badlein to ye page update hoga; bari tabdeeli par email jaye gi. Sawal: dastak@getrabta.com. Qanooni daira: Pakistan.

Dastak Google ya WhatsApp se affiliated nahi hai.

Privacy Policy · Home